بەپێی پێشبینییە كەشناسییەكان، لە ناوەڕاستی ئەم مانگەوە و بۆ ماوەی 10 ڕۆژ كەشێكی باراناوی هەرێم دەگرێتەوە و كۆتایی بە بێ بارانی و كەشی وشك دێت.
سیروان ساڵح، شارەزای كەشناسی بۆ (خەڵك) ڕایگەیاند، ئەگەر بارودۆخی کەش نەگۆڕێ و وەکو ئێستا بمێنێتەوە، له ماوەی نێوان (15 تا 25ی ئەم مانگە) ئەگەری بارانی زۆرباش و بارانی پەڵە هەیە لە زۆربەی ناوچەکانی هەرێمی کوردستان و گەرمیان.
ڕاشیگەیاند، لە ئەنجامی کاریگەری سێ شەپۆلی بارانبارینی دەریای ناوەڕاست و دەریای سوور لە نێوان ئەو ماوەیەدا، بڕێكی زۆر باران دەبارێت.
پێشتر زۆربەی مۆدێلەكانی كەشوهەوای جیهانی پێشبینی ئەوەیان دەكرد لە ناوەڕاستی مانگی 10ەوە باران بارین دەستپێبكات، بەڵام كەشەكە زیاتر وشك و بێ باران بوو، تەنها چەند جارێك نمە باران چەند ناوچەیەكی گرتەوە.
