دابەشکردنی نەوت لە ناو شاری سلێمانی بەردەوامە و سبەینێ دووشەممە لە سنوری مەڵبەندەکانی ھەشت و نۆ دابەشدەکرێت.
بەرێوەبەرایەتی نەوت و کانزاکانی سلێمانی بڵاویکردەوە، سبەینێ دووشەمە ٦ی ١١ی ٢٠٢٣ دابەشکردنی نەوت لە سنوری مەڵبەندەکانی ھەشت و نۆ لە ناوشاری سلێمانی دەبێت.
ئەوە لە کاتێکدایە ئەمڕۆ یەکشەممە پێشەوا هەورامانی، وتەبیژی حکومەتی هەرێمی کوردستان رایگەیاند، لە مانگی ۹ی ئەمساڵ حکومەتی هەرێمی کوردستان بە فەرمانی سەرۆک وەزیران پلانی وابوو کە پێش هاتنی وەرزی سەرماو سۆڵە نەوت بەتەواوی لە ناوچە شاخاوییەکان دابەشبکرێت و دواتریش بگاتە سەنتەری شارەکان .
