مامۆستایانی ناڕازی بڕیاریاندا بایکۆت ناشکێنن و سبەی خۆپیشاندان دەستپێبكەنەوە.
دەستەی داكۆكی لە مامۆستایان و فەرمانبەرانی ناڕازی لە سلێمانی لە كۆنگرەیەكی ڕۆژنامەوانیدا، كە ئێوارەی ئەمڕۆ ئەنجامیاندا ڕایانگەیاند، سبەی یەک شەممە لە شاری سلێمانی لەبەردەم پەروەردەی ڕۆژئاوا خۆپیشاندان ئەنجام دەدەن.
ئاماژەی بەوەشكرد، خۆپیشاندانەکەمان بۆ بەردەوامیدانە بەناڕەزایی و بایکۆتی دەوام، تا جێبەجێکردنی داواکارییەکانمان و بۆ ئەوەش مامۆستایانی سەربەرزی بادینان پشتیوانمانن و داواكاریشین لە دایكان و باوكان بێنە پاڵ خۆپیشاندانی مامۆستایان.
مامۆستایانی ناڕازی جەختیشی كردەوە، بە وەرگرتنی مووچەش بایکۆت ناشکێنین و بەردەوام دەبین لە ناڕەزایەتییەکانمان.
