ئەمڕۆ شەممە، تورکیا بڕیاریدا باڵیۆزی خۆی لە ئیسرائیل بانگهێشت بکاتەوە، بەهۆی بەردەوامی هێرشەکانی بۆ سەر خەڵکی سڤیل لە غەززە.
وەزارەتی دەرەوەی تورکیا لە بەیاننامەیەکدا ڕایگەیاندووە، “لەبەرچاوگرتنی کارەساتی مرۆیی غەززە و بەهۆی قبوڵنەکردنی لایەنی ئیسرائیلی لە بانگەوازەکانی ئاگربەست و بەردەوامی هێرشەکان بۆ سەر خەڵکی سڤیل، هەروەها ڕێگەنەدان بە هاتنە ناوەوەی یارمەتییە مرۆییەکان بەبێ پچڕان و بە شێوەیەکی بەردەوام بڕیاردرا شاکر ئۆزکان تورونلار باڵیۆزی ئێمە لە تەلئەبیب بانگهێشت بکرێتەوە.” .
ڕۆژی شەممە، ڕەجەب تەیب ئەردۆغان، سەرۆککۆماری تورکیا ڕایگەیاند، پەیوەندی لەگەڵ بنیامین ناتانیاهۆ، سەرۆکوەزیرانی ئیسرائیل دەبڕێت، وتیشی: ناتانیاهۆ چیتر کەسێک نییە کە بتوانین قسەی لەگەڵ بکەین.
