دەزگای ئاسایشی نیشتیمانی عێراق دەڵێت، کەسێکیان لەسەر دۆسێی ساختەکاری و دزینی حەوت ملیار دینار دەستگیرکرد، کە بەھاوکاری فەرمانبەرێکی بانکی خانووبەرە و پارێزەرێک کارەکانی ئەنجامداوە.
دەزگا ئاسایشی نیشتیمانی عێراق لە رایگەیەندراوێکدا ئاشکرایکردوە، دوای زیاتر لە دوو ھەفتە چاودێریکردن و کۆکردنەوەی زانیاری، ھێزەکانیان لە پارێزگای کەرکوک کەسێکیان لەسەر دۆسێی ساختەکاریی دەستگیرکردووە کە چەندین مۆر و ئیمزای دادوەر و فەرماندە ئەمنییەکانی ساختەکردووە.
ئاماژەی بەوەشکردوە، ئەو کەسە بەھاوکاری فەرمانبەرێکی بانکی خانووبەرە و پارێزەرێک، ژمارەیەکی زۆر مۆر و بەڵگە و نوسراوی رەسمی و بڕیاری دادگای ساختەکردووە و چەندین بەڵگە و نوسراوی تۆماری خانووبەرەشی ساختەکردووە و رەوانەی دەرەوەی عێراقی کردووە بۆ بەدەستھێنانی پارە کە بڕەکەی دەگاتە حەوت ملیار دینار.
