بەڕێوەبەرایەتی گشتی کارەبای سلێمانی ڕایگەیاند، ئەو باران و ڕەشەبایەی سنووری پارێزگای سلێمانی گرتەوە، زیانی بە کارەبای چەند گەڕەکێک گەیاندووە.
ئەندازیار غالب محمد، بەڕێوەبەری کۆنترۆڵی کارەبای سلێمانی ڕایگەیاند، ئەو ڕەشەبا و بارانەی سنووری پارێزگای سلێمانی گرتەوە زیانی بە کۆمەڵیک فیدەری کارەبا گەیاند، هاوکات تیمەکانی چاکسازیی کارەبا لە ماوەیەکی کەمدا توانیان چارەسەری بکەن، چەند فیدەرێک ماوە و تیمەکان کاری تێدا دەکەن.
بەم شێوەیە ئاماژەی بە زیانەکان کرد، ناوشار،٥١ فیدەری١١ کەوتووە ٤ فیدەر ماوە، ٣ لاینی ٣٣ کەوتووە و تا ئێستا ماوە، دەرەوەی شار، ٤٤ فیدەری١١ کەوتووە ١ فیدەر ماوە، ٢ لاینی ٣٣ کەوتووە و چارەسەرکراوە.
