دوای زیاتر لە مانگێك لە بەرزبوونەوەی نرخەكەی، نرخی مریشك دابەزی و مریشك فرۆشێك هۆكارەكەی ئاشكرادەكات.
محەمەد، كە دوكانی فرۆشتنی مریشكی هەیە لە سلێمانی بۆ (خەڵك) ڕایگەیاند، نرخی مریشك چەند ڕۆژێكە ڕووی لە دابەزین كردووە و ئەمڕۆ زیاتر نرخەكەی دابەزیوە و كیلۆیەك بوووە بە 2 هەزار و 800 دینار لەكاتێكدا پێشتر كیلۆی تا 3 هەزار و 500 دینار بەرزبووەوە.
ئەو مریشك فرۆشە وتیشی، “هۆكاری هەرزان بوونی نرخی مریشك دەگەڕێتەوە بۆ زیادبوونی بڕی بەرهەمی كێڵگە پەلەوەرییەكان و هەروەها كەمی خواستی هاووڵاتیان، بەهۆی نەبوون و دواكەوتنی مووچەوە”.
ساڵانە لە چەند وەرزێكدا و بەتایبەتیش لە وەرزی بەهار و بۆنە و جەژنەكاندا نرخی گۆشت بەرزدەبێتەوە، بەڵام دواتر نرخەكەی دادەبەزێتەوە بەتایبەتی لەكاتی خستنەبازاڕی بەرهەمی ناو كێڵگە پەلەوەرییەكان، بەڵام ئەمساڵ بەراورد بە ساڵانی پێشوو كەمتر نرخەكەی دابەزیوە ئەوەش بەهۆی بەرزی بەهای دۆلار و گرانی نرخی كارەبا و عەلەفەوە.
