بەهۆی نەبوونی كارمەندەوە، بەشی چاودێری چڕی نەخۆشخانەی منداڵانی سلێمانی داخرا.
بەشی زۆری ئەو كارمەندانەی لە بەشی چاودێری چڕ كاریان دەكرد، گرێبەستی كاتی كۆرۆنابوون و بۆیان نوێ نەكراوەتەوە بایكۆتیان كردووە و بەو هۆیەوە بەشەكە داخراوە.
د.پشدەر عەبدوڵا، بەڕێوەبەری نەخۆشخانەی منداڵانی سلێمانی ڕایگەیاند: “بەهۆی ئەوەی بەشی زۆری ئەو كارمەندانەی لە بەشی چاودێری چڕ كاریان دەكرد، گرێبەستی كاتی كۆرۆنابوون و بۆیان نوێ نەكراوەتەوە بایكۆتیان كردووە و ئەو بەشە هەستیارەمان داخستووە”.
ئاماژە بە ئەوەش دەكات، بەشێك لە پزیشكان و كارمەندانمان بەتەمەنداچوون و توانایان نامێنێت و حكومەت كارمەندی نوێمان بۆ دانامەزرێنێت تووشی گرفتی گەورەی كەمی سەرچاوەی مرۆیی بوین”.
بەڕێوەبەری نەخۆشخانەی منداڵانی سلێمانی ئەوەشی روونكردەوە “هەرچەندە گرفتی كەمی دەرمان و سەرچاوەی مرۆییمان هەیە بەڵام تكا لە هاووڵاتیان دەكەم، منداڵەكانیان بێنن و بۆ چارەسەر پشتگوێیان نەخەن”.
