بەڕێوەبەرایەتی ئاسایشی ئاکرێ بڵاویکردەوە، بکوژانی ئەو کارمەندەی ئاسایشی بەردەڕەش دەستگیرکراون و دانیان بە تاوانەکەیاندا ناوە،
بەڕێوەبەرایەتییەکە لە ڕاگەیەندراوێکدا ئاماژەی بەوەدا، لەدوای دەستکەوتنی زانیاری و گەڕانی تیمەکانمان توانرا لە ماوەیەکی کەمدا دوو تۆمەتبار دەستگیر بکرێن و لەکاتی لێکۆڵینەوەش دانیان بە تاوانەکەیاندا ناوە.
جێی باسە ڕۆژی شەممە 28/10 کاتژمێر 2:20 خولەکی ئێوارە تەرمی کارمەندێکی ئاسایشی بەردەڕەش لە ماڵەکەیدا بە کوژراوی دۆزرایەوە، کە بەپێی وتەی ئاسایشی ئاکرێ “بەشێوەیەکی دڕندانە و دور لەگیانی مرۆڤ بوون، ئەو کارمەندەیان شەهید کردووە”، ئەمڕۆش دوو تۆمەتبار بەتاوانی کوشتنی ئەو کەسە دەستگیرکران.
