لە ئاکامی بۆردومانەکانی ئیسرائیل، نۆ ئەندامی دیکەی بنەماڵە کوردەکانی کەرتی غەززە گیانیان لەدەستدا.
کۆمەڵەی کلتووریی کوردانی ئوردن ڕایگەیاند، نۆ ئەندامی هەردوو بنەماڵەی کوردی و موراد کوردی لە کەرتی غەززە شەهیدبوون.
مەنار موراد کوردی، هەنا موراد کوردی، جەمیل موراد کوردی و هاوسەرەکەی، هەیا موراد کوردی، ڕەبا ماهیر کوردی، مەحمود موراد کوردی، سەعد کوردی و هەلا حیسام موراد کوردی، ناوی ئەو هاووڵاتییانەنە کە لە بۆردومانەکانی ئیسرائیل گیانیان لەدەستداوە.
کۆمەڵەکە ئەوەشی خستەڕوو کە هێشتا ژمارەیەکی دیکەی قوربانییەکان لە ژێر داروپەردووی بینا بۆردومانکراوەکەدان.
