ئەمڕۆ یەکشەممە، ژمارەیەك پێشمەرگەی لیوای 20 لە بەردەم وەزارەتی پێشمەرگەدا لە هەولێر گردبوونەوەی ناڕەزاییان دەستپێکرد.
لیوای 20 کە ژمارەیان زیاتر لە سێ هەزار پێشمەرگەیە داوای ڕێکخستنی دەوام و مووچەکانیان دەکەن.
لە کاتی گردبوونەوەکە یەکێك لە پێشمەرگەکان ڕایگەیاند، زیاتر لە 24 مانگە لە ماڵەوەن و نە ڕێ دەدرێت بگوازرێنەوە بۆ لیوایەکی دیکە نە مووچەشیان دەدرێتێ.
تا ئێستا وەزارەتی پێشمەرگە هیچ ڕوونکردنەوەیەکی لەسەر کێشەی ئەو پێشمەرگانە نەداوە.
