وەک یەکەم دەوڵەمەندی دیاری جیهان و خاوەنی کۆمپانیایەکی گەورەی بواری پەیوەندی و ئینتەرنێت ماسک بڕیاریدا خزمەتگوزارییەکانی لە غەززە زیاد بکات لەبواری پەیوەندیدا.
ئیلۆن ماسک خاوەنی کۆمپانیای تێسلا و پلاتفۆڕمی ئێکس و هەروەها خاوەنی سپەیس ئێكس بۆ خزمەتگوزاری ئینتەرنێت لە گەورەترین تۆڕەکانی پەیوەندی لە جیهاندا، بریاریدا خزمەتگوزاریی پەیوەندی و ئینتەرنێت بۆ ئەو گروپ و ڕێکخراوانە دابین بکات کە لەغەززە سەرقاڵی هاوکاریکردنی لێقەوماوان و بریندارەکانی ئەو ناوچەیەن،
ماسک بڵاویکردەوە، سەرجەم تۆڕی پەیوەندی و هۆکارەکانی پەیوەندیکردن بۆ ئەو ڕێکخراوە مرۆیی و دانپێدانراوە نێودەوڵەتیانە دابین دەکەن، کە لە غەززە سەرقاڵی بەهاناوەچوونی لێقەوماوانن.
