زۆرکات لە گەورەکانمانەوە بیستوومانە ئاو خواردنەوە بە پێوە زیانی بۆ تەندروستی هەیە، لە ڕووی زانستییەوە پزیشکەکان دەڵێن خواردنەوەی ئاو لەکاتێکدا مرۆڤ بەپێوەبێ دەبێتەهۆی زیانگەیاندن بە سروێنچک.
ماڵپەڕی ” شرق الالوسط” لە بڵاوکراوەیەکیدا ئاماژەی بە زیانەکانی خواردنەوەی ئاوی بە پێوە لەچەند خاڵێکدا خستووەتەڕوو کە بریتین لە:
١.کرداری هەرس خراپ دەکات: دەبێتە هۆی تێكدانی کاری کۆئەندامی هەرس، دەمارەکان دەشڵەژێن ئەمەش وادەکات هاوسەنگی تێكبچێت .
٢.زیان بە گورچیلەکان دەگەیەنێت: شلەکانی جەستە بەباشی پاک ناکاتەوە، ئەمەش وادەکات پیسییەکان بگەنە خوێن و دەبێتە هۆی وەستاندنی گورچیلە.
٣. هەوکردنی جومگەکان: وادەکات دەمارەکان سترێس ببن، شلەکان لە جومگەکاندا کۆدەبنەوە ئەمەش وادەکات جومگەکان تووشی هەوکردن ببن و دواتر تێكبچن.
٤. مەترسی لەسەر سییەکان دروست دەکات: ماددە خۆراکییەکان و ڤیتامینەکان ناگەن بە جگەر و کۆئەندامی هەرس بەپێی پێویست، چونکە خێرا تێپەڕبوونی ئاو بە کۆئەندامی هەرسدا دەبێتە هۆی زیان گەیاندن بە سییەکان و دڵ بە هۆی کەمبونەوەی ڕێژەی ئۆکسجینەوە.
هاوکات هەندێک لە توێژینەوەکان باس لەوەدەکەن خواردنەوەی ئاو بەپیوە دەبیتە هۆی دروستبوونی ورگ و زیادبوونی کێشی جەستە.
