بەیانی ئەمڕۆ چوارشەممە، بومەلەرزەیەک پارێزگای کرماشانی ڕۆژهەڵاتی کوردستانی هەژاند.
بەگوێرەتی پێگەی هەواڵی ئێرنای ئێرانی، ناوەندی کەشناسی و بومەلەرزەزانی ئێران ئاماژەی بەوەکردووە گوڕی بومەلەرزەکە چوار پلە بووە بەپێی پێوەری ڕێختەر و لەقوڵایی ١٠ کیلۆمەتر ڕوویداوە.
ناوەندەکەی ئێران ئەوەشی خستووەتەڕوو، بومەلەرزەکە لە ناوچەی قەسری شیرین ڕوویداوە. هاوکات، ئاماژە بە هیچ زیانێکی گیانی و ماددی بەهۆی بومەلەرزەکەوە نەکراوە.
شاری قەسری شیرین لەڕۆژهەڵاتی کوردستان بەدرێژایی ١٨٦ کیلۆمەتر هاوسنوورە لەگەڵ کوردستانی باشووردا و دەکەوێتە خۆرئاوای پارێزگای کرماشانی ئێرانەوە لە ڕۆژهەڵاتی کوردستان.
