ئەنجومەنی باڵای دادوەریی عێراق گەڕاندنەوەی 775 ملیۆن دیناری ڕاگەیاند کە لە گەندەڵی دارایی و کارگێڕێدا وەرگیراوە.
ئەمڕۆ پێنجشەممە، ئەنجومەنی باڵای دادوەری عێراق بڵاویکردەوە، دادگای لێکۆڵینەوەی کەرخی بەغدا کە تایبەتمەندە بە دۆسێکانی دەستپاکی، بڕی 775 ملیۆن دیناری دەستخستەوە کە لە گەندەڵی دارایی و کارگێڕیدا وەرگیرابوون.
ڕوونیشیکردەوە پارەکە بەرتیلی چەند پڕۆژەیەك بووە کە دراونەتە ژمارەیەك کۆمپانیای پارێزگای بەغدا.
بەڵام ئەنجومەنی باڵای دادوەریی هیچ ڕوونکردنەوەیەکی دەربارەی سزادانی تۆمەتبارانی دۆسیەکە بڵاونەکردووەتەوە.
