بەهۆی دوو ڕووداوی هاتووچۆ لە جۆری پێکدادان چوار کەس برینداربوون و ڕەوانەی نەخۆشخانە کران.
بەڕێوەبەرایەتی هاتووچۆی گەرمیان لە ڕاگەیەنراوێكدا ئاماژەی بەوەكردووە، کەمێک پێش ئێستا بەهۆی ڕووداوێکی هاتووچۆوە لەنزیک نەخۆشخانەی شەهید شێرەی نەقیب لەنێوان ئۆتۆمبێلێکی جۆری مازدا – بارهەڵگر، شۆفێری مازداکە برینداربوو.
ڕاشیگەیاندووە، ڕووداوێکی تری هاتووچۆ لەجۆری پێکدادان لەسەر ڕێگای گوندی “لانەستی” لەنێوان ئۆتۆمبێلێکی جۆری جێب واز – نیسان سەنی، ڕوویدا بەهۆیەوە شۆفێری هەردوو ئۆتۆمبێلەکە و سەرنشینێکی نیسان سەنییەکە بریندار بوون.
ئاماژەی بەوەشكردووە، سەرجەم بریندارەکان گواسترانەوە بۆ نەخۆشخانەی فریاکەوتنی شەهید هەژار و لێکۆڵینەوە لەلایەن تیمی هاتووچۆوە بەردەوامە.
