بەڕێوەبەرایەتی گشتی تەندروستی ڕاپەڕین ڕایدەگەیەنێت ، لەئەنجامی گەڕان و پشكنینی تیمەكانی بەشی پشكنین و بەدواداچون ژمارەیە نۆرینگە و سەنتەری پزیشكی داخران.
بەڕێوەبەرایەتی گشتی تەندروستی ڕاپەڕین بڵاویكردەوە، بە ئامادەبوونی نوێنەری سەندیكاكانی پزیشكی و نوێنەری دەزگای ئەمنی سەردانی شاری قەڵادزێیان كرد، بەمەبەستی پشكنین و بەدواداچوون بۆ كەرتی تەندروستی ناحكومی و نۆرینگەی تەندروستی و كلینكی پزیشكی و دەرمانخانە و تاقیگە و كلینكی پزیشكی ددان و سەنتەرە تەندروستیەكان لە ئەنجامدا ژمارەیەك لە شوێنانە بەهۆی نەبوونی مەرجەكانی تەندروستی و ڕێنماییەكانەوە داخران .
1 سەنتەری پزیشكی سۆزی خیرخوازی ڕاپەڕین داخرا .
2 دەرمانخانەی شاهۆ داخرا .
3 لەیزەری تەلاری پزیشكی پشدەر داخرا كە ماوەی زیاتر لە دوو مانگە پزیشكەكەیان بە ناوی ( ژین ) نەقڵ بووە بۆ سلیمانی بەڵام لەژێر ناو و ناونیشانی ئەودا كاریان كردوە بەبێ پزیشك .
4 تاقیگەی كارا و تاقیگەی پشدەر داخران بۆماوەیەكی كاتی .
5 پزیشكی ددان ( د . حسین رحیم وەتمان ) و ( د . ئاوات عمر لگیف ) ئاگاداركرانەوە .
6 چاویلكەسازی شار ئاگاداركرایەوە .
7 عیادەی پزیشكی شنە ، دەرمانخانەی قەندیل ، نۆرینگەی پزیشكی میدیا ئاگاداركرانەوە بەهۆی نەگونجاوی شوێن و هەندێ كەم و كوڕی تر .
8 نۆرینگەی تەندروستی ( شەپۆل ) ، نۆرینگەی تەندروستی ( ڕۆژ ) ، نۆرینگەی ( چاوان ) ، ( اشعەی قەندیل ) ، دەرمانخانەی ( پەنا ) ئاگاداركرانەوە .
9 تاقیگەی ( دڵنیا ) ، ( اشعەی دیجیتاڵی زانست ) ، كلینكی پزیشكی ددان ( د . محمد حمە عبدالله ) ، ( اشعەی مازن ) دەستخۆشیان لێكرا .
