ئەمڕۆ سێشەممە، لەڕووداوێکی گەورەی هاتووچۆدا لە باشوری ئەمریکا حەوت کەس گیانیان لەدەستدا و ٢٥ کەسیش برینداربوون، ئاماژە بەوەشکراوە پێدەچێت ژمارەی گیانلەدەستدان زیاد بکات و ڕێژەکە بەرز ببێتەوە.
ئەوەشخراوەتەڕوو، دوا بەدوای رووداوەکە لایەنە پەیوەندیدارەکان گەیشتوونەتە شوێنی ڕووداوەکە بریندارەکان بۆ نەخۆشخانەکان گواستراونەتەوە کە برینی سووک و حاڵەتی مەترسیداریشی تێدایە.
بەیانی ئەمڕۆ سێشەممە تەمێکی زۆر بە شێوەیەکی بەرچاو ڕادەی بینینی شۆفێرەکانی کەمکردەوە و بووە هۆی پێکدادانی ئەو ئۆتۆمبێلانە ئەم دیاردەیە، کە پێی دەگوترێت “سوپەر تەم”، بەهۆی تێکەڵبوونی تەمی بەیانی لەگەڵ دووکەڵی ئاگر لەناوچەکە دروستبووە و بەهۆیەوە کاریگەری لەسەر بینایی شۆفێرەکان داناوە.
کەشناسی ئەمریکا ئاماژەی بەوەکردووە، سوپەر تەم کاتێک دروست دەبێت تەمی سروشتی و دووکەڵی ماددە ئەندامییەکان تێکەڵ بەیەک دەبن وەک ئەوەی ئەمڕۆ سێشەممە دروست بووە و ڕادەی بینینی بۆ کەمتر لە سێ مەتر کەم کردووەتەوە.
