نرخی زێر لە بۆرسەی جیهانی بەڕێژەیەكی بەرچاو بەرزبووەوە و لە بازاڕەكانی هەرێمیش بەهۆی بەرزی بەهای دۆلارەوە نرخەكەی هێندەی دیكە بەرزكردۆتەوە.
دانا وەرتی، خاوەنی زێڕنگەری ئازوورا لە هەولێر بۆ (خەڵك) ڕایگەیاند، نرخی زێڕ ڕووی لە بەرزبوونەوە كردووە و نرخی یەك ئۆنسە گەیشتۆتە 1977 دۆلار لەكاتێكدا لە مانگی ڕابردوودا بۆ 1825 دۆلار دابەزیبوو.
ڕاشیگەیاند، ئێستا نرخی یەك مسقاڵ زێڕی عەیار 24 بە 520 هەزار دینارە و عەیاری 21 بە 460 هەزار دینارە و عەیاری 18 بە 400 هەزار دینارە.
ئەو زێڕنگەرە هۆكارێكی دیكەی بەرزی نرخی زێڕی لە هەرێم گەڕاندەوە بۆ بەرزی بەهای دۆلار و وتی، “ئێستا بەهای 100 دۆلار بە 160 هەزار دینارە و كاتێك نرخی ئۆنسەی زێڕ لە دۆرەوە دەشكێنیتەوە بۆ دینار نرخی زیاتر لەسەر هاووڵاتیان دەكەوێت”.
