ڕۆژی یەکشەممە، میدیاییەکانی ئیسرائیل ڕایانگەیاند، ئەو هێرشانەی ئەمشەو سوریایان کردوەتە ئامانج، هۆکارەکەی ترسە لە هاتنی هێز و چەک لە ئێران و عێراقەوە بۆ سوریا و لوبنان.
ماڵپەڕی عیبری “يديعوت أحرونوت” ئاماژەی بەوەکرد، “ئەو هێرشانەی ئەمشەو لە سوریا ڕوویاندا، هەمەلایەنەترین هێرشە لە وڵاتەکەدا لە سەرەتای شەڕەوە، چەک و بۆمبی زیاتری لەخۆگرتبوو لەوەی کە لە شەودا لەسەر نزیکەی ١٠٠ ئامانجی حەماس لە کەرتی غەززە فڕێدرابوون”.
ماڵپەڕەکە باسی لەوەکرد، “سوپای ئیسرائیل لە ترسی هاتنی هێز و چەکی پێشکەوتوو لە ئێران و عێراقەوە بۆ لوبنان و سوریا، هێرشی کردووەتە سەر ڕێڕەوی فڕین لە فڕۆکەخانەکانی سەرتاسەری سوریا”.
سەرچاوەیەکی سەربازی سوریا ڕۆژی یەکشەممە ڕایگەیاند، هێزەکانی ئیسرائیل لە یەک کاتدا “هێرشی ئاسمانییان بە تەقینەوەی موشەک” ئەنجامداوە و فڕۆکەخانەکانی دیمەشق و حەلەبیان کردە ئامانج و ئەمەش بووە هۆی گیان لەدەستدانی هاووڵاتییەکی سڤیل و وەستانی فڕۆکەخانەکە.
لەو چوارچێوەیەدا وەزارەتی گواستنەوەی سوریا گواستنەوەی گەشتە بەرنامە بۆ داڕێژراوەکانی لە ڕێگەی فڕۆکەخانەکانی دیمەشق و حەلەب (هاتن و ڕۆشتن) بۆ فڕۆکەخانەی نێودەوڵەتی لازقیە ڕاگەیاند.
