وەزارەتى دارایى و ئابوری حکومەتی هەرێمی کوردستان خشتەى داهات و خەرجى هەرێمى کوردستان لە شەش مانگى یەکەمى ٢٠٢٣ بڵاو کردەوە .
بەپێى خشتەکە، کۆى داهاتى شەش مانگى یەکەمى ئەمساڵ، حەوت ترلیۆن و ٩١٨ ملیار و ٥٠١ ملیۆن دینار بووە، لەبەرامبەردا، هەشت ترلیۆن و ٣٩٥ ملیارد و ٥٠١ ملیۆن دینار، کۆى گشتى خەرجییەکان بووە.
بەپێى خشتەکە، لە شەش مانگى یەکەمى ساڵى ٢٠٢٣دا، داهاتى راستەقینەى حکومەتى هەرێم، حەوت ترلیۆن و ٩١٨ ملیار و٥٠١ ملیۆن دینار بووە، لەو ژمارەیە، دوو ترلیۆن و ٩٣٥ ملیار دینار لە فرۆشى نەوتى مانگەکانى (١ تا ٢٥ى ٣)، بە دەستهاتووە.
هەروەها لەو شەش مانگەدا هەشت ترلیۆن و ٣٩٥ ملیارو و ٥٠١ملیۆن دینار، کۆى گشتى خەرجییەکان بووە، لەو ژمارەیە پێنج ترلیۆن و ٦٤٦ملیار و و ٥٧٢ ملیۆن، بۆ موچە خەرجکراوە.
