یاریدەدەری سەرۆك وەزیرانی هەرێم ئاشكرای دەكات، كە ناوەڕاستی ئەم هەفتەیە پارەكەی بەغدا دەگاتە هەرێم و ڕاستەوخۆ دەست بە دابەشكردنی مووچە دەكرێت.
ڕێباز حەملان، یاریدەدەری سەرۆك وەزیرانی هەرێم ڕایگەیاند، هۆكاری دواكەوتن و دابەشنەكردنی مووچە لە ماوەی ڕابردوودا بەغدا بووە و ئێستا لێكتێگەیشتنی باش لەنێوان هەرێم و عێراق هەیە بۆ پرسی مووچە.
ڕاشیگەیاندووە، ڕۆژی سێ شەممەی ئەم هەفتەیە بڕی 700 ملیار دینارەكەی بەغدا بۆ مووچە دەگاتە هەرێمی كوردستان و ڕاستەوخۆ دەست بە دابەشكردنی مووچە دەكرێت.
ئاشكراشی كرد، سەرۆك وەزیرانی هەرێمی كوردستان لە دواسەردانیدا بۆ بەغدا تەنها لەبەر خاتری مووچە چووە و هەرچی نەرمیەك نواندبێتی لەبەر خاتری مووچەخۆران بووە و هەموو هەوڵێكی سەرۆك وەزیران بۆ ئەوە بووە بابەتی مووچە تێكەڵی پرسی سیاسی نەكرێت.
وتیشی، “لەماوەی ڕابردوودا چەند مووچەیەك دواكەوتووە و بە هەوڵی سەرۆك وەزیران ئەو مووچانە نافەوتێن و ڕێكدەكرێنەوە”.
