لە چوارچێوەی جێبەجێکردنی پڕۆژەی یەکتربڕی باخی بەختیاری، شەقامێکی سلێمانی دادەخرێت.
سەرۆکایەتی شارەوانی سلێمانی ڕایگەیاند، لە کاتژمێر 7:00ی بەیانی ئەمڕۆوە ڕۆشتن و هاتن لە شەقامی سلێمانی-تاسڵوجە بەرەو شەقامی قلیاسان داخراوە.
هۆکاری داخستنی شەقامەکەشی بۆ کارکردن لە ئەندەرپاسی دوو بە ئاڕاستەی شەقامی قلیاسان گەڕاندەوە کە بەشێکە لە جێبەجێکردنی قۆناغی سێیەمی پڕۆژەی یەکتربڕی باخی بەختیاری.
شارەوانی سلێمانی داواشی لە شۆفێران کرد شەقامەکانی دەوروبەری قلیاسان وەک جێگرەوە بەکاربهێنن.
