دوابەدوای هێرشە مووشەكییەكانی دوانیوەڕۆی ئەمڕۆی بزووتنەوەی حەمماسی فەلەستینی بۆ سەر قودس و تەلئەبیب، زەنگی ئاگاداركردنەوە لێدەدرێت و بەپەلە سەرۆك وەزیران و پەرلەمانتاران هۆڵی كنێست (پەرلەمانی ئیسڕائیل) چۆڵ دەكەن.
هێزەكانی بزووتنەوەی حەمماسی فەلەستینی لە کەرتی غەززە، ژمارەیەك مووشەکیان بەرەو شارەکانی قودس و تەلئەبیب تەقاند و بەهۆیەوە دانیشتنی کنێستی ئیسرائیل ڕاگیراو ئەندامانی كنێست و بنیامین ناتانیاهۆ، سەرۆک وەزیرانی ئیسرائیل بەرەو پەناگەی خۆپارێزی هەڵهاتن.
تۆمارە ڤیدیۆییەكانی پەرلەمان ئەو ساتە نیشان دەدەن، کە یەکێک لە موشەکەکانی هێزی بەرگری فەلەستینی لە شاری قودس کەوتوونەتە خوارەوە و دیمەنەکانی دیکەش ئەو ساتە دەردەخەن، کە ئەندامانی کنێست و سەرۆک وەزیرانی ئیسرائیل هۆڵی پەرلەمان چۆڵ دەكەن بۆ خۆپاراستن لە مووشەكەكان و دەچنە ناو پەناگەیەك.
