جەواد ئەوجی وەزیری نەوتی وەزیری نەوتی ئێران دۆزینەوەی گەورەترین کێڵگەی غازی لە وڵاتەکەی ڕایگەیاند کە ٢٢ ترلیۆن پێ چوارگۆشە غازی تێدایە و دەکەوێتە ناوچەی لامرد لە پارێزگای فارس.
لە لێدوانێکدا ئەوجی بە ئاژانسی هەواڵی ئێرنای وڵاتەکەی ڕاگەیاند، دۆزینەوەی ئەم کێڵگە نوێیە گۆرانکاری و بەرەوپێشەوەچوونێکی گەورە لە پارێزگای فارس دروست دەکات.
وەزیری نەوتی ئێران ئاماژەی بەوەکردووە، وەزیری نەوتی ئێران ڕایگەیاند، لە ماوەی دوو ساڵی ڕابردوودا چوار کێڵگەی نەوت و گاز دۆزراونەتەوە کە دوو ملیار و ٦٠٠ ملیۆن بەرمیل نەوتی خاویان لێدەرهێنراوە.
هەروەها باسی لە دۆزینەوەی ئەو زەوییە نوێیە کرد کە توانای هەڵگرتنی ٢٢ ترلیۆن پێی سێجا گازی هەیە لە پارێزگای فارس و لە سنووری شارەکانی لامارد و مێهر، وتیشی، ئەم زەوییە گەورەترین یەدەگی گازی سەر کەنار دەریایە لە وڵاتەکەدا و لەسەر بنەمای لێکۆڵینەوەی بوومەلەرزەیی، بە گەورەتر لە کێڵگەی گازی کانجان دادەنرێت.
ئەوەشی خستەڕوو، لە ئێستادا حکومەتی ئێران زیاتر لە سێ ملیۆن و ٣٠٠ هەزار بەرمیل نەوت بەرهەم دەهێنێت و تا کۆتایی ئەمساڵ دەگەنە ژمارەیەکی نوێی پێوانەیی لەم بوارەدا کە لە بەرواری ١٩ی مانگی ئازاری ٢٠٢٤دا ساڵی ئێرانی کۆتایی دێت.
