ئەمڕۆ، لە دانیشتنێکی تایبەتی پەرلەمانی عێراق، گفتوگۆ لەسەر گەمارۆکانی سوپای ئیسرائیل بۆ سەر کەرتی غەززە دەکرێت.
فەرمانگەی میدیای سەر بە پەرلەمانی عێراق ڕایگەیاند، ئەمڕۆ کاتژمێر ٣:٠٠ پاشنیوەڕۆ، لە دانیشتنێکی تایبەتی پەرلەمان گفتوگۆ لەسەر بۆردومان و گەمارۆکانی سەر کەرتی غەززە و خراپی ڕەوشی ژیانی هاووڵاتییان دەکرێت.
ئەمەش لە کاتێکدایە ڕۆژی شەممەی ڕابردوو چەکدارانی کەتیبەی قەسام، باڵی سەربازی حەماس هێرشی بەرفراوانیان کردە سەر ئیسرائیل و زیاتر لە هەزار و ٥٠٠ کەسیان کوشت، لە بەرامبەردا سوپای ئیسرائیل هێرشی چڕی ئاسمانی بۆ کەرتی غەززە دەستپێکرد و گەمارۆی ئاو، خۆراک و کارەبایان خستووەتە سەر دانیشتوانەکەی.
