شەوی ڕابردوو، لە كامپی بەحركەی هەولێر ئاگركەوتەوە و بەوهۆیەوە كەسێك گیانی لەدەستدا.
بەرگری شارستانی هەولێر بڵاویكردووەتەوە، بەهۆی ئاگرەكەوە پێنج كابینەی ئاوارەكان سوتاون، كەسێكی تەمەن 17 ساڵانیش دوای برینداربوونی گیانی لەدەستدا.
كامپەكە لە ٢٠١٣ەوە دروستكراوە، تایبەتە بە ئاوارەكانی نەینەوا و سەڵاحەددین و ئێوارەی رۆژی (21) ی ئەیلولیش بەهۆی شۆرتی كارەباوە شەش كەرەڤان بە تەواوی كەلوپەلی ناویەوە لەو كەمپە سوتابوو، ئەوەش دووەم ئاگرە كە لە دوو مانگی رابردوودا لەو كەمپە بكەوێتەوە.
لە ساڵی ٢٠١٥ تەواوی خێمەكان بۆكەرەڤانە گۆڕدراون و لەدوای هاتنی داعش خەڵكی موسڵ لەم كامپە نیشتەجێكراون.
