لە بەغدا ئامادەکارییەکان بۆ ئەنجامدانی خۆپیشاندانی جەماوەری سبەینێ دەستیپێکردن، کە بڕیارە لە گۆڕەپانی تەحریر بۆ پشتیوانی فەلەستین ئەنجامبدرێت.
بەپێی هەواڵی میدیا عێراقییەكان، لە ئێوارەی ئەمڕۆوە ئامادەكارییەكان لە بەغدای پایتەخت بۆ خۆپیشاندانەكەی سبەینێ دەستیپێکردووە، لە ئێستاوە هاووڵاتییان لە گۆڕەپانی تەحریر كۆبوونەتەوە و بەشێك لە هاوڵاتییانیش لەشارەكانی دیکەی ناوەڕاست و خوارووی عێراقەوە گەیشتوونەتە بەغداد تاوەكو بەشداریی لە خۆپیشاندانە بەرفراوانەکەی سبەینێی بەغدا بكەن.
هاوکات بڕیارە سبەینێ خۆپپیشاندانەکە لە گۆڕەپانی تەحریر و بە ئامادەبوونی لایەنگرانی موقتەدا سەدر رێبەری رەوتی سەدر بەڕێوەبچێت.
