لە فڕۆکەخانەی ئیستانبوڵ دەست بەسەر 10 هەزار و 300 کلکی ڕێویدا گیرا کە هەوڵدرابوو بە شێوەیەکی قاچاخ و لە نێو چوار چانتادا داخڵی تورکیا بکرێت.
ئەمڕۆ پێنجشەممە، وەزارەتی بازرگانی تورکیا ڕایگەیاند دوای چاودێریکردنی دوو گەشتیاری ئۆزباکستانی و یۆنانی توانییان لە فڕۆکەخانەی ئیستانبوڵدا دەست بەسەر 10 هەزار و 300 کلکی ڕێویدا بگرن کە بەهاکەی بە زیاتر لە 44 هەزار و 500 دۆلار مەزەندە دەکرێت.
ڕوونیشیکردەوە گەشتیارەکان لە مۆسکۆوە هاتوون و کلکە ڕێوییەکانیشیان لە نێو چوار جانتا هەڵگرتبوو.
