پەرلەمانتارێکی په‌رله‌مانى عێراق ڕایگەیاند، چارەسەرکردنی دواکەوتنی مووچەی فەرمانبەرانی هەرێم پێویستی بەدەرکردنی یاسایەکی نوێ هەیە، کە گەرەنتی هەموارکردنەوەی هەندێک بڕگەی بودجە بکات، هاوکات بابەتی مووچە دەبێت لە .
د.بڕیار ڕەشید، پەرلەمانتاری یەکێتی لە لێدوانێکی ڕۆژنامەوانیدا ڕایگەیاند، ” چارەسەرکردنی قەیرانی مووچەی فەرمانبەرانی هەرێم پێویستی بە هەڵوێستی کرداریی و جددی پەلەمانتاران هەیە، لە پێناو هەموارکردنەوەی هەندێک بڕگەی یاسای بودجە بۆ دڵنیابوونەوە لە وەرگرتنی مووچەی فەرمانبەران لەکاتی خۆیدا”.
ئاماژەی بەوەکرد، ” پێویستە دابینکردنی شایستە داراییەکانی فەرمانبەران لە ناکۆکییەکانی نێوان بەغدا و هەرێم جیابکرێتەوە، ئەو بابەتەش دەبێت لەلایەن په‌رله‌مانى عێراقه‌وه چارەسەربکرێت”.
د.بڕیار ڕەشید باسی لەوەشکرد، دۆسیەی داتای فەرمانبەرانی هەرێم پەیوەستە بە ڕێکارەکانی نێوان بەغدا و هەولێر، ئەم بابەتەش لەڕێگەی هەماهەنگیی نێوان هەردولا سەبارەت بەداتاکان چارەسەردەکرێ و نابێت ئەم بابەتە ببێتە ئاستەنگ لە بەردەم ڕەوانەکردنی مووچەی فەرمانبەرانی هەرێم، کە پەیوەندیدارە بە هەموارکردنەوەی چەند بڕگەیەکی یاسای بودجە هەیە”
