بەگوێرەی ئەو زانیارییانەی ئەنجومەنی ئاسایشی نێودەوڵەتی بڵاوی کردووەتەوە، بڕیارە سبەی هەینی ئەنجومەنی ئاسایشی نێودەوڵەتی لەبارەی کێشەکانی فەلەستین و ئیسرائیلەوە کۆببێتەوە.
ئاماژەبەوەکراوە، لەکۆبوونەوەکەدا باس لە بارودۆخی ڕۆژهەڵاتی ناوەڕاست بەگشتی و دۆسییەی فەلەستین بەتایبەتی دەکرێت.
ستیڤان دۆجاریک وتەبێژی ئەمینداری گشتی نەتەوەیەکگرتووەکان لە کۆنفرانسێکی ڕۆژنامەنووسیدا ڕایگەیاند، زیاتر لە هەزار بینا و یەکەی نیشتەجێبوون لە کەرتی غەززە بەتەواوی خاپور بوون و نزیکەی ٥٦٠ یەکەی نیشتەجێبوونی دیکەش زیانی زۆریان بەرکەوتووە و بۆ ژیان تێدا کردن گونجاونین.
ئاماژەی بەوەشکرد، ١٢ هەزار و ٦٣٠ بینا و باڵەخانە و شوێنی نیشتەجێبوون بەپلەیەکی کەمتر زەرەر و زیانیان بەرکەوتووە.
هێرشەکانی بزوتنەوەی حەماس بۆسەر ئیسرائیل لەژێر ناوی “زریانی ئەقسادا پێ دەنێتە ڕۆژی پێنجەمەوە کە لەوەلامدا ئیسرائیل هێرشێکی چڕ و بەرفراوانی ئاسمانی کردووەتە سەر غەززە و هەندێکجار هێرش دەکاتە سەر ئامانجەکانی لە باشوری لوبنان لە نزیک میسر.
