سەرۆکی ئەمریکا رایگەیاند، ٢٢ ئەمریكی لە هێرشەكەی حەماس كوژراون و هەموو هەوڵێکیش دەدەین بۆ ئازادکردنی بارمتەکان.
جۆ بایدن، سەرۆکی ئەمریکا لە کۆنگرەیەکی رۆژنامەوانیدا لە بارەی شەڕی نێوان ئیسرائیل و فەلەستین رایگەیاند: ئیدارەی ئەمریکا پابەندە بە پاراستنی جولەکەکانی ئیسرائیل و ئەو هەڵوێستەیان بەردەوام دەبێت و هەرگیز ناگۆڕێت.
وتیشی:” لە دوای هۆڵۆکۆست ئەمە گەورەترین تاوان بوو دژی جووەکان و ئێمە تاکو کۆتایی پشتیوانی ئیسرائیل دەبین و هاوکارییە سەربازییەکانیشمان بۆ ئەو وڵاتە بەردەوام دەبێت”.
راشیگەیاند:” ئیسرائیل تاکە گەرەنتییە بۆ پاراستنی جووەکان لە سەرتاسەری جیهاندا، بۆیە لەو تاوانانەی دژی جووەکان کراوە بێدەنگ نابم”.
