بەڕێوەبەرایەتی گشتی ئاسایشی سلێمانی دەستگیرکردنی سێ کەسی بە تۆمەتی مامەڵەکردن بە کەرەستەی ساختەی مێژوویی ڕاگەیاند.
دەزگای ئاسایشی هەرێم ڕاگەیەندراوێکی بڵاوکردەوە، “بەڕێوەبەرایەتی ئاسایشی ڕۆژئاوای سلێمانی و هێزەکانی کۆماندۆی کوردستان، لە ناحیەی تەکیەی کاکەمەند سێ کەسیان دەستگیرکرد، کە مامەڵەیان بە چەند پارچەیەکی مێژووی ساختەوە ئەنجامداوە”.
لە ڕاگەیەندراوەکەدا هاتووە، ” هێزەکانی بەڕێوەبەرایەتی ئاسایشی ڕۆژئاوا، دوای چاودێریکردن و کۆکردنەوەی زانیاری، بە بڕیاری دادوەری لێکۆڵینەوەی، ڕۆژی ١٨ ئەیلوول بە هەماهەنگی هێزەکانی کۆماندۆی کوردستان توانیان سێ تۆمەتباری مەمەڵەکاری پارچەی ساختەی شوێنەوار دەستگیربکەن، پارچە شوێنەوارەکان پێکهاتبوون لە ٣ بەش، کتێبێکی مێژووی کە بەنوسینی عیبری بە هەڵە نوسرابوو، لەگەڵ دوو پارچەی دیکە کە سەرجەمیان ساختە بوون و لەشێوەی شوێنەواری مێژوویی دروستکرابوون.
ئێستا بە بڕیاری دادوەری لێکۆڵینەوەی ئاسایش بە ماددەی ٢٤ ی شوێنەوار تۆمەتباران ڕاگیراون و لێکۆڵینەوە لە دۆسیەکانیان بەردەوامە.
