دەستەی مامۆستایان و وانەبێژانی سنوری پەروەردەی بەردەڕەش، لە وەڵامی هەڕەشەکانی بەڕێوەبەری پەروەردەی بەردەڕەش ڕاگەیەندراوێکیان بڵاوکردەوە و تێیدا داوای دەستلەکارکێشانەوەی بەڕێوەبەری پەروەردەی بەردە ڕەش دەکەن.
لە ڕاگەیەندراوەکەدا دەستەکە ڕایدەگەیەنن، ئەو ترسان و تۆقاندن و هەرەشەی لابردن لە پیشەی مامۆستایی لە لایەن بەڕێوبەری پەروەردەی بەردەڕەش و لایەنی حیزبی دەستهەڵات لە بەردەڕەش و قسەکانی بەڕێوبەر بە نا پەروەردانە دادەنێن و چەندین داواکارییان لەو بارەیەوە خستە ڕوو،
“ڕاگەیەنراوی دەستەی وانەبێژانی بەرەدەڕەش ”
بۆ حکۆمەتی هەرێمی کوردستان .
بۆ وەزارەتی پەروەردە .
بۆ مامۆستا و وانەبێژانی قوتابخانەکانی بەردەڕەش.
بۆ دەزگا ڕاگەیاندنەکان .
ئێمە دەستەی مامۆستا وانەبێژەکانی سنوری پەروەرەدەی بەردەڕەش .
لە بارەی ئەو ترسان و تۆقاندن و هەرەشەی لابردن لە پیشەی مامۆستایی لە لایەن بەڕێوبەری پەروەردەی بەردەڕەش و لایەنی حیزبی دەستهەڵات لە بەردەڕەش و قسەکانی بەڕێوبەر ،بەم خاڵانەی خوارەوە وەڵام دەدەینەوە
①مامۆستایانی وانەبێژ مامۆستای وەزارەتی پەروەردەن لە حکومەتی هەرێم ئەم هەڕەشانه دوورە لە یاسانی ڕێکارەکانی دەرکردنی مامۆستا ،ئەم قسانە دوورە لە ئەتەکێتی پەروەردەیی و هەستنەکردنە بە بەرپرسیارەتی پەروەردەی بەردەڕەش.
②ئەم بایکۆتکردنانە ئەنجامی بێ باکیتانە بەرامبەر ئەو هەموو ماندووبوونەی چەندین ساڵمانە بە پارەیەکی ناشایستە و کارنەکردنتان لەسەر کەیسی دامەزراندنمانە.
③ئەم بایکۆتە دەستی حیزبی و هیج لایەنێکی لە پشت نییە زۆربەی ئەوانەی بایکۆتیان کردیە لە حیزبی دەستهەڵاتی شارەکەن ،بەڵکو دەستی هەژاری و نەبوونی لە پشتە وە مامۆستا وانەبێژەکان خۆیان بڕیار لەسەر ژیانی خۆیان دەدەن نەک حیزب و دەست.
④داوا دەکەین بە زووترین کات بەڕێوبەڕی پەروەردەی بەردەڕەش لە پۆستەکەی لابدرێت ،وە داوای لێبووردن بکات لە بەرامبەر ئەو تۆمەتە ناڕەوایەی دایتە پاڵ وانەبێژان .
⑤ئێمە لە بایکۆت کردن بەردەوامین لە پێناو بەدەست هێنانی بچووکترین مافمان .بە هەوڵی فەسلکردن ناتوان کەس ببەنەوە پۆڵەکان . وە تا خۆمان بڕیار لەسەر خۆمان نەدەین ناهێلین هیج لایەنێک هانمان بدات یان ببێتە دەمڕاستی ئێمە .
⑥ئەگەر ئەو هەڕەشانە ڕانەوەستێندرێن بەرامبەر هەموو ئەو هەڕەشانە لە هاوپیشەکانمان دەکرێ ، ناچارمان نەکەن پەنا ببەینه بەر دادگا و دەزگا ڕاگەیاندنەکان کە ئەو هەڕەشانە ئاشکرا بکرێن بە بەلگەوە .
ڕاگەیاندنی دەستەی وانەبێژانی ناڕازی بەردەڕەش .
7ی 10 ی2023
