شاندێكی وەزارەتی بازرگانی و پیشەسازی لە بەغدان بە مەبەستی چارەسەركردنی گرفتی پیشەسازی و بازرگانی لە نێوان هەرێم و بەغدا و بۆ ئەو مەبەستەش بڕیارە چەند لیژنەیەكی هاوبەش پێكبهێنرێت.
بە سەرۆكایەتی كەمال موسلیم، وەزیری بازرگانی و پیشەسازی یەك شەممە 11/12/2022 ، شاندێكی وەزارەت سەردانی بەغدادیان كرد، بە مەبەستی چارەسەركردنی گرفتی پیشەسازی و بازرگانی لە نێوان هەرێم و بەغدا.
لەكۆبوونەوەیەكدا لەگەڵ وەزیری پیشەسازی عێراق بە ئامادەبوونی سەروەر كەمال هاواری، بریكاری وەزارەت بۆ كاروباری بازرگانی و بەڕێوەبەری گشتی بازرگانی باس لە گرفتەكانی پیشەسازی كرا و میكانیزمەكانی چارەسەركردنیان بەوردی خرایەڕوو، بڕیاریشە چەند لیژنەیەكی هاوبەش پێكبهێنرێت بۆ ئەو مەبەستە.
وەزارەتی بازرگانی و پیشەسازی لەڕاگەیەنراوێكدا ئاشكراشی كردووە، كەكۆبوونەوەكان لەگەڵ لایەنە پەیوەندیدارەكان لە رۆژانی ئاییندە بەردەوام دەبێت.
