بەرپرسێکی باڵای سەربازی بەریتانیا ئاشکرای دەكات، وڵاتەكەی هەموو ئەو چەکانەی، کە دەیتوانی دابینی بکات گواستوونەتیەوە بۆ کیێڤ و چیتر لەندەن چەکی نەماوە بۆ ناردن.
ئەو بەرپرسە باڵایەی بەریتانیا بۆ ڕۆژنامەی (تێلێگراف) ڕایگەیاندووە، له بنەڕەتدا هەموو شتێکمان بۆ ئۆكراینا دابین کردووه، که له تواناماندا بوو، هەروەها بەردەوام دەبین له دابینکردنی ئامێر بۆ دابینکردنی ئەو شتانەی ئۆکراینا پێویستی پێیهتی، بەڵام ئێستا پێویستیان به شتەکانی وەک سیستەمی بەرگری ئاسمانی و تەقەمەنی تۆپخانەیه، ئێمە چیتر ئەم هەموو ئامێرەمان نییە.
ئەو بەرپرسە سەربازییەی بەریتانیا داوای کرد، وڵاتانی دیکە هەنگاو بنێن و زیاتر لە بارگرانییەکە هەڵبگرن.
پێشتر ڕوسیا یاداشتێکی بۆ وڵاتانی ناتۆ سەبارەت بە دابینکردنی چەک بۆ ئۆکراینا ناردبوو، وەزیری دەرەوەی ڕووسیاش سێرگی لاڤرۆڤ ئاماژەی بەوەدا، کە هەر بارێک کە چەکی تێدابێت بۆ ئۆکراینا دەبێتە ئامانجێکی شەرعی بۆ ڕوسیا و وتی، “وڵاتانی ناتۆ یاری بە ئاگر دەکەن بە دابینکردنی چەک لە ئۆکراینا”.
لاڤرۆڤ ڕایگەیاند، کە ئەمریکا و ناتۆ ڕاستەوخۆ بەشدارن لە ململانێکانی ئۆکراینا، “لەوانەش نەک تەنها بە دابینکردنی چەک، بەڵکو لە ڕێگەی ڕاهێنانی کارمەندانیش لە خاکەکانی بەریتانیا، ئەڵمانیا، ئیتاڵیا و وڵاتانی دیکە”.
لای خۆیەوە دیمیتری پێسکۆڤ، سکرتێری ڕۆژنامەوانی سەرۆکی ڕوسیا ئاماژەی بەوەدا، کە پێدانی چەک بۆ ئۆکراینا لە ڕۆژئاواوە هیچ بەشدار نییە لە سەرکەوتنی دانوستانەکانی مۆسكۆ و كیێف و کاریگەری نەرێنی دەبێت.
