وەزارەتی دەرەوەی تورکیا سەرەخۆشی لە کەسوکاری قوربانیانی ئاگری حەمدانیە دەکات و هیوای زوو چاکبوونەوە بۆ بریندارەکان دەخوازێت،
وەزارەتی دەرەوەی تورکیا پەیامێکی پرسە و سەرەخۆشی بۆ قوربانیانی ئاگری حەمدانییە لە پارێزگای نەینەوا بڵاوکردەوە، کە لە کاتی ئاهەنگێکی هاوسەرگیریدا کەوتەوە و ڕایگەیاند، بە داخێکی زۆرەوە هەواڵی گیانلەدەستدانی زیاتر لە 100 کەس و برینداربوونی نزیکەی 500 کەسی دیکە لە ئەنجامی ئاگرکەوتنەوەکەدا پێگەشت، وەزارەت سەرەخۆشی خۆی ئاراستەی کەسوکاری ئەو کەسانە دەکات کە بەهۆی ئەم ڕووداوە دڵتەزێنە گیانیان لەدەستدا، و هیوای چاکبوونەوەی زوو بۆ بریندارەکان دەخوازێت.
