کۆمپانیای گەڕان لە تۆڕی ئینتەرنێت ناسراو بە “گووگڵ” یادی ٢٥ سالەی دامەزراندنی دەکاتەوە، کۆمپانیاکە لە بەرواری ٢٧ی ئەیلولی ساڵی ١٩٩٨دا لەسەر دەستی هەریەکە لە لاری بیگ و سێرجی برین دامەزراوە.
بەبۆنەی ساڵیادی دامەزراندنی کۆمپانیاکەوە سوندار بیشای، سەرۆکی جێبەجێکاری کۆمپانیای گوگڵ پەیامێکی ئەلیکترۆنی ئاڕاستەی کارمەندانی کۆمپانیاکە کرد و تێیدا نووسیوە، ” لە کۆمپانیایەکی بچووکی چالاکەوە بووین بەیەکێک لە گەورەترین کۆمپانیاکانی جیهان.”
ئاماژەی بەوەشکردووە، گووگڵ بووە بەمایەی ڕەزامەندی ملیاران مرۆڤ لە سەرتاسەری جیهاندا ئەوەش لەرێگەی پێدان و گەیاندنی ئەو زانیارییانەی ئەوان دەیانەوێت بۆ ئەوەی داهاتوویانی پێ بنیاد بنێن، باسی لەوەشکردووە کۆمپانیاکە ڕۆڵ و کاریگەرییەکی گەورەی هەیە لە بەرەوپێشچوونەکاندا وەک زیرەکی دەستکرد و فێربوونی ئەلیکترۆنی کە ئەمانەش لە چەند ساڵی داهاتوودا جیهان دەگۆڕێت.
هەربەهەمان بۆنەوە، گووگڵ پەڕەی فەرمی خۆی تەرخان کرد بۆ لۆگۆیەکی ئەنیمەیشن و کۆمەڵێک یاری و چالاکی بۆ بەکارهێنەران دەستپێکرد و هەژماری گووگڵی بە زمانی عەرەبی بڵاوکردەوە.
