ئەمریکا وەڵامی محەمەد شیاع سودانی سەرۆکوەزیرانی عێراق دەداتەوە و دەڵێت:”ھەبوونی ھێزەکانی لە خاکی عێراقدا بەپێی رێککەوتنێکە کە لەگەڵ بەغداد کراوە”.
ماتیۆ میلەر، وتەبێژی وەزارەتی دەرەوەی ئەمریکا لە وەڵامی رۆژنامەنووساندا لە بارەی لێدوانەکەی محەمەد شیاع سودانی، سەرۆکوەزیرانی عێراق رایگەیاند، ھەبوونی ھێزەکانی ئەمریکا لە عێراق لەسەر داواکاری حکومەتی عێراقە و ئەرکەکەشیان پێشکەشکردنی راوێژ و ھاوکارییکردنە بە ھێزەکانی عێراق.
ئەو وەڵامە لە کاتێکدایە کە پێشتر سەرۆکوەزیرانی عێراق رایگەیاندبوو وڵاتەکەی پێویستی بە ھاوپەیمانی نێودەوڵەتی نەماوە، چونکە ھەڕەشەی داعش کۆتاییھاتووە.
