وەزارەتی خوێندنی باڵا ڕایگەیاند، ئەمڕۆ ئەنجامی زانكۆلاین لە کۆنگرەیەکی ڕۆژنامەوانیدا ڕادەگەیەندرێت.
عەباس ئەکرەم، وتەبێژى وەزارەتى خوێندنى باڵا و توێژینەوەى زانستى ڕایگەیاند، ئەمڕۆ یەکشەممە ٢٤ی ئەیلوول لە کۆنگرەیەکى رۆژنامەوانیدا ئەنجامەکانى وەرگرتنى دەرچووانى دوانزەى ئامادەیی لە زانکۆ و پەیمانگەکان بۆ ساڵى نوێى خوێندنى ٢٠٢٣ بۆ ٢٠٢٤ ڕادەگەیەنرێت.
ئەنجامەكان كاتژمێر ١٢ی نیوەڕۆی ئەمڕۆ لە دیوانی وەزارەتی خوێندنی باڵا لە رێوڕەسمێكدا ڕادەگەیەندرێت.
وتەبێژى وەزارەتى خوێندنى باڵا و توێژنەوەى زانستى بانگهێشتی دەزگاکانى ڕاگەیاندنی کرد و ئاماژەی بەوەکرد، کۆنگرەیەکى رۆژنامەوانیدا لەلایەن وەزارەتى خوێندنى باڵا و توێژینەوەى زانستى ئەنجامى وەرگرتنى دەرچوانى دوانزەى ئامادەیی لە زانکۆ و پەیمانگەکان ڕادەگەیەنرێت و دەزگاکانى ڕاگەیاندن دەتوانن بۆ روماڵی بکەن.
