فرانک هوگەربێتس، زانای بوومەلەرزەزانی هۆڵەندی، كە بەردەوام بە پێشبینییەكانی مشتومڕێكی زۆر لە تۆڕە كۆمەڵایەتییەكان دەنێتەوە و پێشتریش پێشبینییەكانی بۆ بوومەلەرزەكەی توركیا و مەغریب كردبوو، ئەمجارە هۆشداری بوومەلەرزەیەكی وێرانكەری سەروو 8 پلە بە پێوەری ڕێختەر دەدات.
فرانک هوگەربێتس، زانای بوومەلەرزەزانی هۆڵەندی لە هەژماری خۆی لە تۆڕی كۆمەڵایەتی (X) ئاماژەی بە یەکگرتنی هەسارەكانی (مەریخ و عەتارد و موشتەری) كردووە لە ٢٢ی ئەیلولدا و دەڵێت: “دەتوانێت ببێتە هۆی بوومەلەرزەیەكی بەهێز لە ٢٣ یان ٢٤ی ئەیلولدا”.
ئاماژەی بەوەشكردووە، ئەگەری ئەوە هەیە لە 26 بۆ 28ی ئەم مانگەدا بوومەلەرزەی دیكە بەدوای خۆیدا بهێنێت و بگاتە 6 پلەی ڕێختەر.
خزمەتگوزاری جیۆلۆجی SSGEOS کە ئەو زانایە هۆڵەندییە سەر بەو کۆمپانیایە، پۆستێکی لەسەر پلاتفۆرمی (X) بڵاوکردەوە و ئاماژەی بەوەكردووە، “یەکگرتنی مەریخ و عەتارد و موشتەری لە ٢٢ی ئەیلولدا دەتوانێت ببێتە هۆی شۆکێکی بەهێز دواتر لە ٢٣ یان ٢٤ی ئەیلولدا”.
بەڵام فرانك ئاماژەی بە شوێن و ناوچەی ڕوودانی ئەو بوومەلەررزەیە نەكردووە.
ئەمە لەكاتێكدایە، كە ئەو زانا هۆڵەندییە لە مانگی شوبات (2)ی ئەمساڵدا پێشبینی بۆ بوومەلەرزەكەی باكووری كوردستان و هەروەها لە مانگی ئەیلول (9)ی ئەمساڵدا بۆ بوومەلەرزەكەی مەغریب كرد، كە دوو بەهێزترین بوومەلەرزە بوون و بەهۆیانەوە بە دەیان هەزار هاوولاتی گیانیان لەدەستداوە و بە سەدان هەزاری دیكەش بریندار بوون و ملیۆنان هاووڵاتیش بێ ماڵ و حاڵ و ئاوارە بوون.
The Mars-Mercury-Jupiter conjunction on 22 September can result in a strong shake later on 23 or 24 September. pic.twitter.com/lvseJLsYd3
— SSGEOS (@ssgeos) September 23, 2023
