ئەمڕۆ دووشەممە دەستەی جیۆلۆجی ئەمریکا ڕایگەیاند، بومەلەرزەیەک بەگوڕی ٥.١ پلە بەپێی پێوەری ڕێختەر لە دووری ٤٤ کیلۆمەتر و لەقوڵایی ١٠ کیلۆمەتر باکوری ئیتالیای هەژاندووە.
پەیمانگای بومەلەرزەزانی و جیۆلۆجی و زانستی بورکانی ئیتاکی ڕایگەیاند چەقی بومەلەرزەکە لە نزیک شاری مارادی بووە لە باکوری ڕۆژهەڵاتی فلۆرێنسا کاتژمێر پێنج و ١٠ خولەکی بەرەبەیان دوای ڕوودانی چەند بوومەلەرزەیەکی بێهێز ڕوویداوە.
تا ئێستا ئاماژەی بە زیانە گیانی و مادییەکانی بومەلەرزەکە نەکراوە. پەیمانگا ئیتالییەکە ئاماژەی بەوەکردووە ئەو ناوچەیە ئەگەری ڕوودانی بومەلەرزەی بەهێزی لێدەکرێت وەک ئەو بومەلەرزەیەی کە لەساڵی ١٩١٩دا ڕوویداوە و یەکێکە لە بوومەلەرزە بەهێزەکان کە لە ئیتالیا لەسەدەی بیستدا ڕوویداوە.
