ئەمڕۆ دووشەممە، بەسەرۆکایەتی قاسم ئەعرەجی ڕاوێژکاری ئاسایشی نیشتیمانی شاندێکی باڵای ئەمنی سەردانی هەولێر دەکات.
نوسینگەی ڕاگەیاندنی ڕاوێژکاری ئاسایشی نیشتیمانی لە ڕاگەیەنراوێکدا کە دەست میدیا ناوخۆییەکان کەوتووە ئاماژەی بەوەکردووە، بەفەرمانی محەمەد شیاع سودانی سەرۆکوەزیرانی عێراق و فەرماندەی گشتی هێزە چەکدارەکان ڕاوێژکاری ئاسایشی نیشتیمانی قاسم ئەعرەجی و سەرۆکایەتی ئەو وەفدە ئەمنییە باڵایە دەکات کە سەردانی هەولێر دەکەن.
ئەوەخراوەتەڕوو، مەبەست لە سەردانی کردنی وەفدە عێراقییەکە بۆ هەولێر بۆ ئاگاداربوونە لە چۆنێتی جێبەجێکردنی ڕێککەوتننامەی ئەمنی لەنێوان عێراق و ئێراندا.
