پێشبڕكێکە تایبەتە بە تواناکانی زیرەکی مێشکی ئەو منداڵانە لە بواری بیرکاریدا و یەكەمجارە پێشبڕكێیەكی لەو جۆرە لەسەر ئاستی هەرێم ئەنجامدەدرێت منداڵان لە بەشێکی زۆری پارێزگاکانی عێراقدا بەشدارییان کردووە و لە زانکۆی سلێمانی بەڕێوە دەچێت.
زۆرینەی منداڵەکان پێشتر ڕاهێنانیان پێ کراوە و بۆ تاقیکردنەوەکە ئامادەکراون کە پێویستە لەماوەی تەنها ١٠ خولەکدا ٢٠٠ پرسیار وەڵام بدەنەوە. یەکێک لە مامۆستاکان ئاماژە بەوەدەکات بەگشتی منداڵانی کورد لەئاستێکی زیرەکی بەرزدان و لەمانگی رابردوودا بەبەردەوامی ڕاهێنانیان کردووە و خۆشیان حەز و خولیایەکی زۆریان هەیە بۆ بابەتەکە.
