کەشناسیی سعودیە رایگەیاند، لە چەند کاتژمێری داهاتوودا با و بارانێکی زۆر شاری مەککە دەگرێتەوە و ئەگەری دروستبوونی لافاو هەیە.
دەستەی کەشناسی سعودیە لە راگەیەندراوێکدا بڵاویکردووەتەوە،”ئاستی مەترسییەکان لە شاری مەککە بۆ رەنگی سوور بەرزکراوەتەوە، بەهۆی هاتنی شەپۆلێکی بارانبارینی بەهێز و هەڵکرنی رەشەبا لە ناوچەکەدا کە چاوەڕێ دەکرێت لافاو لە هەندێک شوێن دروستببێت”.
دەستەکە داوا لە هاووڵاتییان دەکات و دەڵێت:”خۆتان بەدووربگرن لەو شوێنانەی ئاوی تێدا کۆدەبێتەوە”.
بەپێی پێشبینییە کەشناسییەکان بارانبارین لە بەیانی رۆژی شەممەوە دەستپێدەکات و تا رۆژی چوارشەممە بەردەوام دەبێت.
