ماوەی زیاتر لە 10 ڕۆژە مووچەی لیوا هاوبەشەکان، کە هاوپەیمانان دابینی دەکەن، گەشتۆتە دەست حکومەتی هەرێمی کوردستان، بەڵام تائێستا دابەش نەکراوە.
بەپێی وتەی سەرچاوەیەک لە وەزارەتی دارایی هەرێم، لە ١٨ ی مانگ لیستی موچەی لیوا هاوبەشەکان ئامادکراوەو دراوە بە هاوپەیمانان و دوای چوار رۆژ و لە ٢٢ مانگی پێشوودا هاوپەیمانان پارەی تەواوی لیوا هاوبەشەکانیان ناردووە.
هۆکاری دابەش نەکردنی مووچەی لیوا هاوبەشەکان تائێستا ڕوون نییە، و هیچ لێدوانێکیش لەوبارەیەوە نەدراوە.
تائێستا ئاسۆی دابەشکردنی مووچە لە هەرێم دیار نییە و جگە لە مووچەی مانگی ٨ ی لیوا هاوبەشەکان حکومەتی هەرێم مووچەی مانگەکانی ٧ و ٨ ی فەرمانبەران و مووچەخۆرانی هەرێمی دابەش نەکردووە،
مانگانە هاوپەیمانان نزیکەی ٣٢ ملیار دینار بۆ موچەی لیوا هاوبەشەکانی هیزەی پێشمەرگە دەنێرن و لە ماوەی رابڕدوودا چەندان جار هۆشداری توندیان داوەتە هەرێم لەبارەی دواخستنی موچەی لیوا هاوبەشەکان و ریکخستنەوەی هێزەکانی پێشمەرگە.
