ئەمڕۆ هەینی 8/9/2023 لەکەرکوک هێزێلی زۆری ئەمنی بڵاوەپێکراوە و لەشەقامەکانی ئەو شارەدا بڵاوبوونەتەوە.
هەر بەگوێرەی زانیارییەکان، هێزەکان لەچەند بەشێک پێکهاتوون، کە سوپا و پۆلیس و بەرگری و تەنانەت هەواڵگریشیان تێدایە.
لەپاش تێکچوونی دۆخی کەرکوک لە چەندڕۆژی ڕابردوودا و لەئاکامی ئەو ئاڵۆزیانەی کە ڕوویدا، 4 کەس کوژران و زیاتر لە 10 کەسیش برینداربوون،
هاوکات دوێنێش لیژنەی ئەمنی کەرکوک ڕاگەیەندراوێکی بڵاوکردەوە و تێیدا دوایانکرد کە حکومەت ڕێگە بەهیچ جۆرە خۆپیشاندانێک نەدات لەپێناو پاراستنی ڕەوشی کەرکوک و سەقامگیری ناوچەکە، ئەمڕۆش وەک ڕێگرییەک لەهەر هەوڵێکی نەخوازراو هێزێکی زۆر بڵاوەیان پێکراوە و لەشارەکەدا بڵاوبوونەتەوە.
