وەزارەتی دارایی و ئابووری حكومەتی هەرێم بڕیاری پێشووی بۆ وەرگرتنەوەی قەرز و پێشینەی خانووبەرە و هاوسەرگیری لە “كەفیل” هەڵوەشاندنەوە.
بەپێی ڕێنمایی نوێی وەزارەتی دارایی هەرێم، كە لە 3ی ئەیلول بە ژمارە 10 دەرچووە و واژۆی ئاوات شێخ جەناب، وەزیری دارایی لەسەرە، بڕیار دراوە بە هەڵوەشاندنەوەی ڕێنمایی ژمارەی (9ی ساڵی 2023) كە تایبەت بوو بە وەرگرتنەوەی قەرز و پێشینەی خانووبەرە و هاوسەرگیری لە كەفیل “مووچەخۆری”ی ئەو كەسەی پێشینەكەی وەرگرتووە.
بەپێی ڕێنماییە نوێیەكە، ئەو ڕێنماییەی پێشوو هەڵدەوەشێتەوە و قەرز و پێشینەكان لە كەفیل وەرناگیرێتەوە.
