بە گوێرەی ماڵپەڕی ئینزڤێستینگ كە تایبەتە بەخستنەڕووی نرخی سووتەمەنی و كانزاكان، ئەمشەو سێشەممە، نرخی بەرمیلێك نەوتی خاوی برێنت بۆ ٩٠ دۆلار بەرزبووەوە کە بەرزترین ئاستە لە ماوەی ئەم ١٢ مانگەدا.
هەروەها نرخی یەک بەرمیل نەوتی ئەمەریکیش بۆ ٨٩ دۆلار بەرزبووەوە.
دامەزراوەی نەوتی ئەمریکی لە راگەیەندراوێکدا بڵاویکردووەتەوە کە بەپێی ئامارەکانیان لە هەفتەی کۆتایی مانگی ئابدا یەدەگی نەوتی خاوی ئەمریکی بەنزیکەی ١١.٥ ملیۆن بەرمیل دابەزیوە.
