ئەمڕۆ سێشەممە فڕۆكە سەربازییەكانی سوپای توركیا بۆردوومانی ناوچەكانی سۆرێ و سگێریان لە سنوری شارۆچكەی ئامێدی و زنجیرە چیاكانی مەتینیان لەسنوری قەزای ئامێدی كرد و تائیستا زیانەكانی نەزانراون.
بەگوێرەی زانیاریەكان، پێشنیوەڕۆی ئەمڕۆ فڕۆكەكانی سوپای توركیا ناوچەكانی سۆرێ و سگێرێیان بۆردوومان کردووە، هاوکات، كاتژمێر شەشی بەیانی ئەمڕۆش فڕۆكەكانی سوپای توركیا بۆردوومانی زنجیرە چیاكانی مەتینیان كرد و تا ئێستا زەرەر و زیانەكان نەزانراون.
بەپێی چەند سەرچاوەیەک لە قەزای ئامێدی، دەنگی بۆردوومانەكان لەلایەن هاوڵاتیانەوە بیستراوە و زیانیش بە ژمارەیەك رەز و باخی هاوڵاتییان گەیشتووە کە دەکەونە ڕۆژهەڵاتی سنوری ئامێدی و بەربۆردوومان کەوتوون.
